A escola municipal de música de Laxe volve cunha nova oferta para este curso 2022-2023.
Víctor Manuel García Pose será o encargado de impartir clases de guitarra, piano, acordeón, frauta, gaita e linguaxe musical.
As sesións celebraranse de luns a venres en horario de mañá e tarde. Pódese acudir de xeito individual ou en pequenos grupos a partir dos 5 anos.
As prazas son limitadas. As inscricións poden formalizarse na aula de música municipal do 3 ao 14 de outubro, de 10:00 a 14:00 horas, ou tamén na sede electrónica municipal (actividades culturais e deportivas).