III Charla e saída micolóxica

O Concello de Laxe presenta a nova data para a III Charla e saída micolóxica, que tivera que ser adiada por mor das malas condicións meteorolóxicas. Finalmente, realizarase o vindeiro sábado, 18 de novembro, entre as 10:00 e as 13:30 horas.

Tal e como estaba programado, o evento estará dirixido polo poñente José Manuel Castro Marcote, socio da entidade Pan de Raposo, que se encargará de guiar a xornada.

Ademais da recollida e aprendizaxe dos distintos tipos de fungos, este tipo de actividades buscan promover o valor da diversidade micolóxica.

As últimas prazas dispoñibles poderanse formalizar a través do número 981 70 69 03 ou mediante o correo electrónico cultura@concellodelaxe.com ata o venres, 17 de novembro, ás 12:00 horas.

Galería de imaxes