LAXE EMPREGO

Laxe Emprego xurde da necesidade de impulsar accións que favorezan e faciliten a busca de emprego dos seus veciños e veciñas.

É un servizo innovador que estará dirixido a tódolos veciños e veciñas que busquen información, orientación e asesoramento sobre temas vencellados co traballo. Está enfocado tanto a aquelas persoas que estén en situación de desemprego como aqueloutras, que aínda que estén traballando, perseguen unha mellora laboral. Facendo de servizo un espazo de encontro e de referencia para a busca activa de emprego e onde os usuarios e usuarias xeren a súa propia rede de apoio.

OBXECTIVOS:

§Capacitar ou dotar os usuarios e usuarias das suficientes ferramenta e mecanismos para acceder dunha forma autónoma e activa á busca de emprego e o seu mantemento.

§Identificarse como un espacio de referencia activo, innovador e solidario para os demandantes de emprego e aqueloutras que busquen mellorar a súa situación laboral.

§Ofrecer, desde diversas vertentes, un acceso directo e gratuíto a información laboral.

§Dinamizar un espazo atractivo para aquelas persoas que busquen orientación e asesoramento para a busca de emprego.

§Fomentar a cooperación e colaboración entre persoas en situación de busca de emprego, empregadores/as e axentes de formación.


TIPOS DE ACCIÓNS

§Entrevista Ocupacional para coñecer o perfil profesional-ocupacional.

§Obradoiros de Orientación cara a búsqueda de emprego

§Charlas informativas, charlas coloquio, mesas redondas, vídeo forum, preténdese artellar un sistema no que sexan os propios usuarios e usuarias quen nos suxiran as súas inquedanzas e propostas para levar a cabo estas accións.