Artigo 8º.-Organización e descrición
1. Os documentos serán obxecto de tódalas operacións técnicas precisas para a súa correcta descrición e instalación no Arquivo, tralas cales quedarán plenamente integradas nos fondos documentaias do Arquivo Municipal, de quen dependerá a partir de entón a súa conservación e comunicación.
2. A organización (clasificación e ordenación) e descrición das series documentais ateranse as normas técnicas atendendo sempre a unha estructura por órganos e funcións, e respectando o principio de procedencia.
3. Terase en conta a aplicación das novas tecnoloxías como apoio á descrición dos fondos documentais.
Artigo 9º.-Selección e expurgo.
1.-Nas propias oficinas municipais xeradoras de documentación, deberá evitarse a acumulación de copias, duplicados, borradores, circulares repetidas, etc, así como diarios oficiais, revistas e publicacións que poidan consultarse noutros centros de información ou en novos soportes.
2. As distintas series documentais serán obxecto da pertinente valoración e selección para, unha vez rematado o prazo de vixencia administrativa, determinar a súa eliminación ou a súa conservación definitiva, atendendo os seus valores administrativos, xurídicos e legais, a proposto do arquiveiro e de acordo coa lexislación vixente.
3. Establecerase a coordinación entre o Arquivo e os servicios administrativos do Concello para a normalización das tipoloxías documentais con vistas á súa selección para a conservación ou expurgo, co fin de facilitar o desenvolvemento da tramitación administrativa con criterios de economía e eficacia, favorecendo o dilixente funcionamento do Concello.
<< | < | Maio de 2024 | > | >> | ||
---|---|---|---|---|---|---|
L | Ma | Mé | X | V | S | D |
1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 |