Mediante Resolución da Alcaldía núm. 362/2025, de data 27 de maio de 2025, aprobáronse as bases que rexerán o proceso de contratación laboral temporal de tres peóns/peoas forestais para a xestión da biomasa e limpeza de montes no termo municipal de Laxe, ao abeiro do Programa Aprol Rural 2025. A contratación será financiada a través dunha subvención concedida ao Concello de Laxe pola Consellería de Emprego, Comercio e Emigración, dentro do devandito programa, dirixido á contratación de persoas desempregadas en concellos rurais, co obxectivo de contribuír á prevención de incendios forestais mediante a roza e limpeza de montes e espazos forestais. A selección do persoal realizarase mediante oferta presentada polo Concello de Laxe na Oficina do Servizo Público de Emprego de Carballo, que será a encargada de realizar a preselección e remitir ao Concello a relación de persoas candidatas para participar no proceso selectivo. Requisitos das persoas candidatas:

• Estar en situación de desemprego e inscritas como demandantes no Servizo Público de Emprego de Galicia.
• Cumprir cos requisitos xerais de acceso ao emprego público.
• Reunir os requisitos específicos que figuran nas bases da convocatoria.

Duración do contrato: tres meses, a xornada completa. Titulación/especialidade: non se require titulación específica, pero valorarase experiencia en tarefas forestais e formación relacionada coa prevención de incendios, manexo de ferramentas manuais ou maquinaria forestal. Para máis información, as persoas interesadas poden dirixirse ás oficinas municipais ou á Oficina de Emprego de Carballo. As bases completas da convocatoria poden consultarse na sede electrónica do Concello de Laxe, a través da seguinte ligazón:

• bases completas da convocatoria