12/11/2026 OS NOSOS MAIORES DESFRUTARON DUNHA XORNADA DE RELAX E BENESTAR NO BALNEARIO DE LAIAS!

OS NOSOS MAIORES DESFRUTARON DUNHA XORNADA DE RELAX E BENESTAR NO BALNEARIO DE LAIAS!

Un grupo de veciños e veciñas de Laxe maiores de 60 anos desfrutou dunha agradable excursión ao Balneario de Laias, en Cenlle (Ourense), organizada polo Concello de Laxe.

Unha xornada dedicada ao descanso, á saúde e ao benestar, na que os participantes puideron desconectar da rutina, relaxarse e compartir momentos de convivencia nunha contorna privilexiada.

Desde o Concello de Laxe seguimos apostando por actividades que fomenten o envellecemento activo, a convivencia e a mellora da calidade de vida dos nosos maiores.

Queremos expresar o noso agradecemento á Deputación da Coruña polo seu apoio e colaboración, a través da subvención que fixo posible a realización desta actividade. Grazas ao seu financiamento, podemos seguir promovendo iniciativas que contribúen ao benestar e á participación activa da nosa veciñanza.

Porque coidar dos nosos maiores e ofrecerlles momentos para desfrutar tamén é unha prioridade!

Concello de Laxe, comprometidos co benestar da nosa veciñanza.