O Concello de Laxe conta xa con dúas novas sendas executadas ao longo da estrada AC - 433 ao seu paso polos núcleos de Serantes e Soesto.
O alcalde, José Luis Pérez Añón, recibiu esta mañá á conselleira de Infraestruturas e Mobilidade da Xunta de Galicia, Ethel Vázquez, en Serantes para comprobar o resultado duns traballos dos que a veciñanza xa está a facer emprego.
A actuación, valorada en 335.000 euros e financiada polo ente autonómico, supuxo en Soesto a execución dun itinerario de 558,8 metros de lonxitude que conecta os lugares de Arrueiro e Castrelo pola marxe esquerda da vía. Dita senda, moi transitada para o acceso á praia de Soesto, é de emprego compartido para peóns e ciclistas non deportivos.
Pola súa parte, a senda de Serantes transcorre ao longo de 720 metros de lonxitude pola marxe dereita da antiga traza da estrada AC – 433, entre os
núcleos de Conlle e O Piñeiro.
Ambas, executadas en formigón de cor terriza natural e bordo de formigón, están integradas na contorna e inclúen actuacións complementarias como melloras na recollida de pluviais, a creación de muros de formigón e o retranqueo de postes de telecomunicacións e electricidade.
<< | < | Maio de 2024 | > | >> | ||
---|---|---|---|---|---|---|
L | Ma | Mé | X | V | S | D |
1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 |