08/06/2023 A Escola Municipal de Música de Laxe celebra un festival o domingo 18 de xuño como peche á súa decimosétima edición


A Escola Municipal de Música de Laxe celebrará o vindeiro domingo, 18 de xuño, a clausura da súa decimosétima edición a partir das 18:00 horas no Salón de Actos Culturais.

O alumnado que participou este curso 2022-2023 na Escola, dirixido polo profesor da mesma, Victor M. García Pose, dará mostra das súas aprendizaxes e avances neste concerto no que se interpretarán máis de 20 pezas de xéneros e estilos diversos e no que haberá espazo para frautistas, guitarristas, pianistas, acordeonistas, cantantes, baterías e algunha que outra sorpresa.

Portal cidadán de Laxe © by Abertal