Laxe clausurou este martes a cuarta e última quenda dos ‘PequeCampamentos’ de verán organizados por D’Troula en colaboración co Concello. Esta proposta formou parte dun conxunto de propostas de conciliación durante a época estival, ofrecendo ás persoas usuarias diversas actividades culturais, deportivas e relacionadas co coidado do medio ambiente.
Nesta edición participaron un total de 18 nenos e nenas, aínda que nas tres anteriores a cifra foi máis alta: 35 persoas na primeira rolda, 53 na segunda e 32 na terceira.
Estes números reflicten a boa acollida que tiveron os campamentos deportivos realizados en Laxe, tanto os organizados para os máis cativos e cativas como en xeral, posto que do 27 de xuño ao 10 de agosto máis de 150 persoas interviron na programación deportiva posta en marcha polo Concello.
Desde o goberno local móstranse moi contentos co número de participantes deste ano destacando “a boa conduta de todos os pequenos e pequenas que, sen dúbida, son exemplo para todos nós de compañeirismo e inclusividade”.
Por outra banda, D’Troula, entidade organizadora, sinala que as sensacións foron “moi boas en todas as edicións e en todos os aspectos” destacando, ademais, que “todos os rapaces e rapazas xa nos piden repetir porque o pasaron en grande”.
<< | < | Setembro de 2020 | > | >> | ||
---|---|---|---|---|---|---|
L | Ma | Mé | X | V | S | D |
1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 |